پېښور (شال نیوز) : د خېبر پښتونخوا بار کونسل د ګورنر راج او ایمرجنسي پر ضد د قانوني او آئيني اقداماتو اعلان کړی او ویلي یې دي چې د اکتوبر په ۱۹مه به په ټوله صوبه کي وکیلان هړتال کوي.

 

د بار کونسل د اکتوبر په ۱۷مه په جاري شوې اعلامیه کي ویل شوي چې دا پرېکړې د کونسل د جنرل باډۍ په غونډه کي شوې دي. د غونډې مشري وائس چیئرمېن اسفندیار خان ایډوکېټ کوله.

 

بار کونسل پرېکړه کړې چې د ګورنر راج او ایمرجنسي د نافذېدو پر ضد به په پېښور هایکورټ، ضلعي عدالتونو او تحصیل عدالتونو کي قانوني اقدامات کوي.

 

د دې لپاره یوه ځانګړې کمیټي هم جوړه شوې چې د اکتوبر تر ۲۰مې به خپله قانوني مسوده تیاره کړي او په عدالت کي به د درخواست جمع کولو لپاره اقدامات وکړي.

 

خیبر پښتونخوا په ټوله صوبه کې ایمرجنسي نافذه شوه؛ ډاکټر محمد فخر عالم عرفان نوی چیف سیکرټري ټاکل شوی
خیبر پښتونخوا په ټوله صوبه کې ایمرجنسي نافذه شوه؛ ډاکټر محمد فخر عالم عرفان نوی چیف سیکرټري ټاکل شوی
د خېبر پښتونخوا د ۱۲ ضلعو د ترقياتي کونسل ۴۸ غړي منظور، پخوانی ګورنر شوکت الله خان یې مشر ټاکل شوی
د خېبر پښتونخوا د ۱۲ ضلعو د ترقياتي کونسل ۴۸ غړي منظور، پخوانی ګورنر شوکت الله خان یې مشر ټاکل شوی
وفاقي حکومت: ایمرجنسي په ټوله خېبر پښتونخوا کې نافذه ده، ۱۲ ضلعې به جلا انتظامي نظام لري
وفاقي حکومت: ایمرجنسي په ټوله خېبر پښتونخوا کې نافذه ده، ۱۲ ضلعې به جلا انتظامي نظام لري

 

په غونډه کي له چیف جسټس آف پاکستان او د سپریم کورټ له مشرانو غوښتنه شوې چې د صوبې د حالاتو په اړه دې فوري پام وکړي.

 

بار کونسل له حکومتي ادارو هم غوښتي چې د امنیتي اقداماتو پر مهال دې د عامو خلکو کورونو، دوکانونو او نورو جایدادونو ته زیان نه رسوي او له غیرقانوني چاپو او نیونو دې ډډه وکړي.

 

د اعلامیې له مخې، د اکتوبر په ۱۹مه به په ټوله خېبر پښتونخوا کي وکیلان له عدالتي کارونو بائیکاټ کوي. د صوبې ټولو بار ایسوسي اېشنونو ته د دې پرېکړې د عملي کولو لارښوونه شوې ده.