شال نیوز
کابل : د طالبانو د بهرنیو چارو وزیر ،مولوي امیر خان متقي، په کابل کې د افغانستان لپاره د امریکا له پخواني ځانګړي استازي زلمي خلیلزاد سره کتلي دي.
د طالبانو د بهرنیو چارو وزارت ،د سپتمبر په ۵مه، ویلي دي، چې په دې کتنه کې د افغانستان پر اوسني وضعیت، په بېلابېلو برخو کې پر شته فرصتونو او د افغانستان او امریکا ترمنځ د اړیکو پر هغو موضوعاتو خبرې شوې چې د دواړو خواوو د اړیکو په پراخېدو کې مرسته کولای شي.
د وزارت د معلوماتو له مخې، متقي په افغانستان کې د امنیت، ثبات، اقتصادي پرمختګ او پر ځان بسیا کېدو په برخو کې د پرمختګونو یادونه کړې او ویلي یې دي چې اوس په افغانستان کې د پانګونې لپاره مناسب چاپېریال موجود دی.
زلمي خلیلزاد هم په افغانستان کې د امنیت او ثبات او د بیارغونې په برخو کې د پرمختګونو ستاینه کړې او هیله یې ښودلې چې افغانستان به د اقتصادي ودې، سوکالۍ او پر ځان بسیا کېدو په برخو کې نور پرمختګ هم وکړي.
.jpeg)
خلیلزاد د افغانستان او امریکا ترمنځ د اړیکو د پراخېدو او د دواړو خواوو ترمنځ د مثبتو اړیکو په اړه هم خپل نظرونه شریک کړي دي. د طالبانو د بهرنیو چارو وزارت تر دې دمه د کتنې د دقیق وخت او د بحث شوو موضوعاتو نور تفصیل نه دی خپور کړی.
زلمی خلیلزاد د افغانستان لپاره د امریکا پخوانی ځانګړی استازی دی او تر دې وړاندې یې هم له طالب چارواکو سره په کابل او بهر کې کتنې کړې دي. په تېرو کتنو کې د افغانستان او امریکا اړیکې، بندیان، قونسلۍ چارې او د دواړو خواوو ترمنځ د خبرو دوام مهم موضوعات وو.
.jpeg)
.jpeg)
.jpeg)
.jpeg)