ریاض (شال نیوز) : د اسوشیټېډ پرېس خبري اژانس د راپور له مخې، د سعودي عربستان د پلازمېنې ریاض پر ملک خالد نړیوال هوايي ډګر په تازه برید کي ۱۲ کسان وژل شوي او تر ۳۰۰ زیات ژوبل شوي دي.

 

د سعودي عربستان د ملکي هوايي چلند چارواکو د یکشنبې په سهار، د اکتوبر پر ۱۱مه، ویلي چې د ژوبلو کسانو له ډلې د ځینو حالت نازک دی.

 

په وژل شویو کسانو کي څلور سعودي وګړي، دوه بنګله دېشيان او د امریکا، مصر، اردن، سوریې، سوډان او فلسطین یو یو وګړی شامل دی.

 

د راپور له مخې، د شنبې په ماسپښین یو توغندی د هوايي ډګر پر هغې برخې لګېدلی چې درېیم او څلورم ټرمینلونه پکي دي او د کورنیو پروازونو لپاره کارول کېږي.

 

ترکیې پر یمن په بریدونو کې له ګډون انکار کړی، پاکستان هم د خپلو جنګي الوتکو د کارولو راپور رد کړی
ترکیې پر یمن په بریدونو کې له ګډون انکار کړی، پاکستان هم د خپلو جنګي الوتکو د کارولو راپور رد کړی
پاکستان د حوثیانو پر ضد د جنګی الوتکو د کارولو راپورونه رد کړي
پاکستان د حوثیانو پر ضد د جنګی الوتکو د کارولو راپورونه رد کړي

 

دا په تېره یوه اوونۍ کي پر دغه هوايي ډګر له څو بریدونو وروسته تر ټولو خونړی برید بلل شوی دی. دا پېښه په داسې وخت کي شوې چې د سعودي عربستان په مشرۍ ائتلافي ځواکونو په یمن کي د حوثي وسله والو پر ضد پراخ پوځي عملیات پیل کړي دي.

 

د امریکا ولسمشر ډونلډ ټرمپ د برید له خبر وروسته ویلي چې واشنګټن د حوثیانو پر ضد د سعودي عربستان په پوځي عملیاتو کي د ګډون په اړه غور کوي. ټرمپ ویلي چې امریکا به په دې اړه ډېر ژر پرېکړه وکړي.

 

حوثي وسله والو تر اوسه د ریاض د دې تازه برید مسئولیت نه دی منلی. هغوی تر دې وړاندې سعودي عربستان د یمن په پلازمېنه صنعا کي پر نړیوال هوايي ډګر په برید تورن کړی و.