شال نیوز
صنعا : د یمن د انصارالله یو لوړپوړي چارواکي پاکستان او ترکیې ته خبرداری ورکړی دی چې د سعودي عربستان په ملاتړ دې د یمن په جګړه کې پوځي مداخله نه کوي.
د انصارالله د سیاسي دفتر غړي ،محمد البخیتي، د سپتمبر په ۱۹مه، عراقي اې نیوز ټلویزیون ته ویلي، که پاکستان یا ترکیه په مستقیم ډول د یمن پر ضد پوځي اقدام وکړي، د دوي ځواکونه به «سخت او دردناک ځواب» ورکړي. البخیتي ویلي: «که ترکیه او پاکستان ښکېل شي، په قوي مټ به یې ځواب ووایو.»
هغه ویلي، د دوي خبرداری د پاکستان او ترکیې خلکو ته نه، بلکې د دواړو هېوادونو حکومتونو ته دی، که د سعودي عربستان په ملاتړ پوځي اقدام وکړي.
.jpeg)
.jpeg)
دا څرګندونې په داسې وخت کې شوې دي چې د یمن د حوثیانو او سعودي عربستان ترمنځ جګړه زیاته شوې او د سعودي عربستان له دفاعي شریکانو سره د احتمالي پوځي همکارۍ په اړه بحث روان دی.
تر اوسه داسې باوري معلومات نشته چې پاکستان یا ترکیې د یمن په جګړه کې د مستقیمې پوځي مداخلې پرېکړه کړې وي.
.jpeg)
