پېښور (شال نیوز) : په خېبر پښتونخوا کي د ایمرجنسي او ګورنر راج له اعلان وروسته د ګورنر فیصل کریم کنډي په مشرۍ د یوې ځانګړې مشاورتي شورا لپاره د ۱۱ کسانو نومونه مخې ته راغلي دي.

د ترلاسه شویو معلوماتو له مخې، په دې شورا کي پخواني اعلا سرکاري افسران، سیاستوال او د تعلیم، صحت، مالیې، قانون او نورو برخو پوهان شامل دي.

د وړاندیز شوې شورا د غړو نومونه او د هغوی اړوندې څانګې په دې ډول دي:

۱. ډاکټر سید عامر عبدالله: تعلیم

۲. طارق محمود پاشا: مالیه، ټېکسونه او ریونیو

۳. عثمان سیف الله خان: بجلي، توانايي او ترقیاتي کارونه

۴. عامر جاوېد: قانون او د اسمبلۍ چارې

۵. ثمر هارون بلور: اطلاعات او خپرونې

۶. ډاکټر محمد ارشاد: صنعت او تجارت

۷. مولانا محمد طیب قریشي: اوقاف او مذهبي چارې

۸. لېفټننټ جنرل ریټایرډ نګار جوهر خان: صحت

۹. کفایت الله خان: کورنۍ او قبایلي چارې

۱۰. ډاکټر سرفراز علي شاه: معدنیات او کانونه

۱۱. آصف رفیق اپریدی: تعمیراتي کارونه، بلدیات، کورونه او ټرانسپورټ

په دې نوملړ کي د ایف بي آر دوه پخواني چیئرمېنان، یو پخوانی سېنېټر، پخوانی اېډوکېټ جنرل، پخوانی آئي جي او د پاکستان پوځ پخوانۍ سرجن جنرل شامل دي.

خیبر پښتونخوا په ټوله صوبه کې ایمرجنسي نافذه شوه؛ ډاکټر محمد فخر عالم عرفان نوی چیف سیکرټري ټاکل شوی

د معلوماتو له مخې، دا شورا به د ګورنر په مشرۍ د صوبې د انتظامي چارو، امنیت، اقتصاد او ترقیاتي کارونو په اړه مشورې ورکوي. په ځانګړې توګه به د قبایلي ضلعو د انتظام، د سرکاري ادارو د کارونو، تعلیم، صحت او د خلکو د اسانتیاوو په اړه وړاندیزونه کوي.

خو د ګورنر هاوس له خوا د دغو کسانو د رسمي ټاکنې اعلامیه او د شورا د واکونو بشپړ تفصیل لا نه دی ترلاسه شوی. دا هم نه ده روښانه چې شورا به یوازې مشورې ورکوي او که د صوبايي انتظامیې په پرېکړو کي به هم برخه لري.