شال نیوز
اسلام اباد (شال نیوز) : د پاکستان د داخله چارو وفاقي وزیر محسن نقوي ویلي چې وفاقي حکومت په خېبر پښتونخوا کي د امن او امان د خرابېدونکي حالت د سمولو لپاره له صوبايي حکومت سره تر وروستۍ شېبې خبرې وکړې، خو کومې نتیجې ته ونه رسېدل.
نقوي د اکتوبر پر ۱۱مه په اسلاماباد کي د وفاقي وزیرانو په ګډ خبري کنفرانس کي وویل چې حکومت له یوې میاشتې راهیسې هڅه کوله چې د خېبر پښتونخوا له حکومت سره په ګډه د وسله والو پر ضد اقدامات وکړي.
هغه وویل چې وفاقي حکومت د تحریک انصاف له احتجاج سره مخالفت نه درلود، خو د صوبې د امن او امان صورتحال یې د اندېښنې وړ باله.
د نقوي په وینا، په تېرو اتلسو میاشتو کي ۵۱۸ پولیس وژل شوي او د صوبې په ځینو ضلعو کي حالات دومره خراب شوي چې خلک له ماښام وروسته له کورونو نه شي وتلی.
د تحریک انصاف مشرتابه د ګورنر راج او ایمرجنسي له لګولو سره مخالفت کړی او دا یې د صوبې د ولس د رایې خلاف اقدام بللی دی.
.jpeg)
.jpeg)
.jpeg)