اسلام اباد (شال ند فرېډم هاوس په ګډون ۳۰ نړیوالو بشري حقونو سازمانونو د پاکستاني فعال ادریس خټک د تښتونې او بندي کېدو د اوومې کلیزې په مناسبت، پر نوموړي لګول شوي تورونه بې‌بنسټه بللي او د هغه د سمدستي او بې‌قید او شرطه خوشې کېدو غوښتنه کړې ده.

 

دغو سازمانونو په یوه ګډه اعلامیه کې ویلي، ادریس خټک اووه کاله وړاندې په پاکستان کې تښتول شوی و او کورنۍ یې د اوو میاشتو لپاره د هغه د برخلیک او د ژوندي پاتې کېدو په اړه هېڅ معلومات نه درلودل.

 

په اعلامیه کې راغلي، نوموړی تر اووه میاشتنۍ بې‌درکۍ وروسته د پاکستاني حکومت په توقیف کې وموندل شو او وروسته د هغو تورونو له مخې په ۱۴ کلونو بند محکوم شو چې نړیوال بشري حقونو بنسټونه یې بې‌بنسټه بولي.

 

۳۰ نړیوالو سازمانونو د ادریس خټک بندي کېدل د بشري حقونو یوه جدي سرغړونه او لویه بې‌عدالتي بللې او له پاکستاني چارواکو یې غوښتي چې نوموړی دې ژر تر ژره او پرته له کوم قید او شرطه خوشې کړي.