پېښور (شال نیوز) : د خېبر پښتونخوا د اطلاعاتو سلاکارې ثمر هارون بلور ویلي چې په صوبه کي به د نېشنل اېکشن پلان لاندې د دیني مدرسو د نصاب، تعلیمي نظام او انتظامي چارو څارنه کېږي.
نوموړې د سما ټلویزیون سره په خبرو کي ویلي چې حکومت غواړي معلومه کړي په مدرسو کي کوم نصاب لوستل کېږي، زده کوونکو ته څه ډول تعلیم ورکول کېږي او له دغو ادارو سره تړلي کسان له چا سره رابطې لري.
د هغې په وینا، د مدرسو د رجسټرېشن او څارنې موضوع د پېښور د ایپکس کمېټۍ په غونډه کي هم څېړل شوې او وفاقي حکومت صوبايي انتظامیې ته په دې اړه خط لېږلی دی.
ثمر هارون بلور په پېښور کي د هغه سکول یادونه هم کړې چې د چت د راپرېوتو له امله پکی ګڼو زده کوونکو ته مرګ ژوبله اوښتې وه. هغې ویلي چې دغه سکول له ماسپښین دوو بجو وروسته د دیني مدرسې په توګه هم استعمالېده.
خو تر اوسه دا نه ده څرګنده چې د مدرسو د څارنې لپاره به کوم ګامونه اخیستل کېږي، د رجسټرېشن لپاره به څه شرطونه ټاکل کېږي او د دې کار ذمه واري به د کومې ادارې پر غاړه وي.
د صوبايي حکومت له خوا په دې اړه د کوم نوي حکم تفصیل هم نه دی خپور شوی. د دیني مدرسو د استازو دریځ لا نه دی ترلاسه شوی.
نېشنل اېکشن پلان په پاکستان کي د ۲۰۱۴ کال په دسمبر کي د پېښور پر آرمي پبلک سکول له برید وروسته جوړ شوی و. د دیني مدرسو رجسټرېشن او د هغوی د چارو څارنه هم د


شال نیوز