کابل (شال نیوز) : په افغانستان کې د طالبانو حکومت پر اېفاېم څپو د بيبيسي راډیو خپرونې ځنډولې دي. بيبيسي ویلي چې د خپرونو د بېرته پیلولو لپاره یې له طالب چارواکو سره خبرې پیل کړې دي.
د بيبيسي په وینا، په افغانستان کې یې اورېدونکي اوس هم کولای شي د دې راډیو پښتو او دري خپرونې پر لنډو او منځنیو څپو واوري. دغه خپرونې د بيبيسي پر پښتو او دري فېسبوک پاڼو او د سټلایټ له لارې هم خپرېږي.
تر اوسه څرګنده نه ده چې طالبانو ولې پر اېفاېم څپو د بيبيسي خپرونې ځنډولې دي. طالب چارواکو هم په دې اړه څه نه دي ویلي. بيبيسي لا نه دي ویلي چې پر اېفاېم څپو به یې خپرونې کله بېرته پیل شي.


شال نیوز