شال نیوز
صنعا : په یمن کي د ایران ملاتړ لرونکو حوثیانو ویلي، سعودي عرب په تېرو څو ساعتونو کي د یمن پر بېلابېلو سیمو لږ تر لږه ۳۲ هوايي بریدونه کړي دي.
د حوثیانو اړوند «المسیره» تلویزیون ،د سپتمبر په ۹مه، ویلي، دغه هوايي بریدونه د مأرب، الجوف، تعز او الحدیده ولایتونو پر بېلابېلو سیمو شوي دي. د بریدونو له امله د مرګ ژوبلې او زیانونو بشپړ تفصیل لا نه دی څرګند شوی.
دا پرمختګ یوه ورځ وروسته له هغه شوی چې حوثیانو پر سعودي عرب د توغندیو او ډرونونو پراخ بریدونه وکړل. د سعودي چارواکو په وینا، په دغو بریدونو کي ۷۳ کسان، د ښځو او ماشومانو په ګډون، ژوبل شوي او په ابها، خمیس مشیط، جازان او نجران کي د تېلو او نورو تاسیساتو ترڅنګ یو شمېر ځایونه په نښه شوي دي.
.jpeg)
حوثیانو د سعودي پر اهدافو د بریدونو مسوولیت منلی او ویلي یې دي چې دا بریدونه په یمن کي د وروستیو پوځي عملیاتو په غبرګون کي شوي دي. سعودي عرب بیا د حوثیانو وروستي بریدونه «خطرناک زیاتوالی» بللی او د ځواب ورکولو خبره یې کړې ده.
د ۳۲ هوايي بریدونو په اړه تر دې دمه د سعودي عرب رسمي تایید نه دی خپور شوی او دا شمېره د حوثیانو له لوري وړاندې شوې ده.
.jpeg)
.jpeg)
.jpeg)
