شال نیوز
.jpeg)
ټورنټو : د کاناډا په ټورنټو ښار کې د افغانستان د خپلواکۍ ۱۰۷مه کلیزه په یو کلتوري غونډه کې لمانځل شوې ده، چې د افغان ټولنې کورنیو، ښځو، ځوانانو، ماشومانو او د افغانستان یو شمېر دوستانو پکې ګډون کړی دی.
دا غونډه ،د سپتمبر په لومړۍ، د کاناډا د افغانانو د ټولنیزو خدمتونو بنسټ له خوا جوړه شوې وه. تنظیموونکو ویلي دي، چې د پروګرام موخه د افغانانو ترمنځ د یووالي او ټولنیزو اړیکو پیاوړتیا، د افغان کلتور، ژبې او دودونو ساتنه او له نوي نسل سره د خپل تاریخي او کلتوري میراث پېژندنه وه.
په غونډه کې شعرونه ولوستل شول، افغانۍ موسیقي او دودیزې سندرې وړاندې شوې، اتڼونه وشول او د ماشومانو لپاره بېلابېلې لوبې او کلتوري فعالیتونه هم برابر شوي وو.
.jpeg)
تنظیموونکو ویلي دي، چې په پروګرام کې د افغان ښځو او مشرانو د ټولنیزې ونډې درناوی وشو او ګډونوالو د افغانستان د تاریخ، کلتوري میراث او ملي هویت پر ساتلو ټینګار وکړ.
د غونډې جوړوونکو د ګډونوالو، رضاکارانو او ملاتړ کوونکو مننه کړې او ویلي یې دي، چې دا ډول پروګرامونه په بهر کې مېشت افغان نوي نسل له خپل کلتور، ژبې او تاریخي هویت سره د تړلو په برخه کې مهم رول لري.
افغانستان د ۱۹۱۹م کال د اګست پر ۱۹مه د خپل بهرني سیاست بشپړه خپلواکي ترلاسه کړه او سږ کال یې ۱۰۷مه کلیزه ولمانځل شوه.
.jpeg)
.jpeg)
.jpeg)
