شال نیوز
.jpeg)
مستونګ : د بلوچستان حکومت د امنیتي اندېښنو له امله د مستونګ ضلعې په کډکوچه تحصیل کې یو ځل بیا تر نامعلوم وخته کرفیو نافذه کړې ده.
د بلوچستان د کورنیو چارو محکمې ،د اګست د ۲۳مه، د حکمنامې له مخې، کرفیو د اګست پر ۲۳مه سهار اووه بجې نافذه شوې او په کډکوچه او ورسره نږدې سیمو کې د خلکو پر تګ راتګ، بازارونو او سړکونو سخت بندیزونه لګول شوي دي.
ضلعي انتظامیې او قانون نافذوونکو ادارو په سیمه کې اضافي ځواکونه ځای پر ځای کړي او له خلکو یې غوښتي دي چې په کورونو کې پاتې شي او د امنیتي ادارو له لارښوونو سره سم عمل وکړي.
.jpeg)
چارواکي وايي، چې کرفیو به تر بل حکم پورې دوام کوي او د بندیزونو د نرمولو یا ختمولو لپاره تر اوسه کومه ټاکلې نېټه نه ده اعلان شوې.
کډکوچه کې تر دې مخکې هم د امنیتي پېښو وروسته کرفیو لګېدلې وه. د جولایۍ پر ۲۲مه د مسافرو پر یو بس له برید وروسته هم په سیمه کې ورته بندیزونه نافذ شوي وو.
د اګست ۲۳مې تازه پرېکړه له پخوانیو پېښو جلا نوی پرمختګ دی، ځکه حکومت اوس په کډکوچه کې یو ځل بیا په رسمي توګه تر نامعلوم وخته کرفیو نافذه کړې ده.
.jpeg)
.jpeg)
.jpeg)
.jpeg)