پېښور : په پېښور کې ،د اګست په ۲۲مه، د مسیحي ټولنې غړو د کلیسا د ډایوسیز پر ملکیت د مبینه غیرقانوني قبضې پر ضد احتجاج کړی دی او له پولیسو یې غوښتي دي چې په دې اړه مقدمه درج او قانوني اقدام وکړي.

 

احتجاج کوونکو ویلي دي، چې د ډایوسیز اړوند ځمکه د کلیسا ملکیت دی او دوي دعوه کوي چې پر دې ځمکه د قبضې هڅه شوې ده. هغوي له ضلعي انتظامیې او پولیسو غوښتي دي چې د ملکیت اسناد وڅېړي او د قانون له مخې مسئله حل کړي.

 

مظاهره چیانو خبرداری ورکړی دی چې که د دوي پر شکایت اقدام ونه شي، د احتجاجونو لړۍ به پراخه او سړکونو ته به یې وغځوي. د دې شخړې د بل لوري تفصیلي دریځ تر اوسه نه دی خپور شوی، او شال نیوز هم په خپلواکه توګه د ملکیت د دعوې اسناد نه دي تایید کړي.