مظفر اباد : د پاکستان تر انتظام لاندي کشمیر اسمبلۍ د مسلم لیګ ن غړی بېرسټر سید افتخار علي ګیلاني د نوي وزیراعظم په توګه ټاکلی دی.

ګیلاني د جمعې، اګست ۲۸مې، په رایه اچونه کې ۳۰ رایې ترلاسه کړې، په داسې حال کې چې د پاکستان پیپلز ګوند کاندید سردار مختار احمد عباسي ۱۴ رایې واخیستې. په ټولیز ډول ۴۴ رایې اچول شوې وې.

ګیلاني د پاکستان تر انتظام لاندي کشمیر ۱۷م وزیراعظم دی. نوموړي له ټاکل کېدو وروسته په مظفراباد کې د خپلې عهدې سوګند هم پورته کړ؛ سرپرست صدر چوهدري طارق فاروق ترې سوګند واخیست.

ګیلاني تر دې وړاندې د کشمیر د تعلیم وزیر پاتې شوی دی او په ۲۰۱۱م او ۲۰۱۶م انتخاباتو کې اسمبلۍ ته بریالی شوی و. هغه د ۲۰۲۶م انتخاباتو کې خپله حلقه بایللې وه، خو وروسته د مسلم لیګ ن له خوا د ټېکنوکراټ په ځانګړې څوکۍ اسمبلۍ ته داخل شو.

د مسلم لیګ ن لپاره دا په سیمه کې له نږدې یوې لسیزې وروسته د حکومت مشري بېرته ترلاسه کول دي.