شال نیوز
کابل : سرچینې وايي، چې طالبانو د ملي مقاومت جبهې د قوماندان ،حسیب پنجشېري، چې په «حسیب قوای مرکز» مشهور و، مړی ،د اګست په ۲۴مه، سهار په مشروط ډول د هغه کورنۍ ته سپارلی دی.
د راپورونو له مخې، طالبانو ،د اګست په ۲۳مه، د حسیب پنجشېري مړی له چاریکار څخه کابل ته انتقال کړی و او وروسته یې کورنۍ ته د سپارلو لپاره ځینې شرطونه اېښي وو.
سرچینې وايي، چې په دغو شرطونو کې شامل دي چې د جنازې او خاورو ته د سپارلو پر مهال به شعارونه نه ورکول کېږي او د مراسمو عکسونه او ویډیوګانې به نه اخیستل کېږي.
تر دې وړاندې د سره صلیب نړیوالې کمېټۍ هم د هغه د مړي د سپارلو لپاره د هڅو خبر ورکړل شوی و، خو په دې اړه د کمېټۍ تازه رسمي بیان تر اوسه نه دی موندل شوی.
حسیب پنجشېری د احمد مسعود په مشرۍ د ملي مقاومت جبهې له قوماندانانو څخه و. د ملي مقاومت جبهې ،د اګست پر ۲۰مه، د زمري پر ۲۹مه، د هغه وژل کېدل تایید کړي وو. راپورونه وايي، نوموړی د شمالي سالنګ په سیمه کې د طالبانو د عملیاتو پر مهال وژل شوی و.
.jpeg)
.jpeg)
د هغه تر وژل کېدو وروسته په ټولنیزو رسنیو کې یوه لنډه ویډیو خپره شوه چې ظاهراً یو طالب وسله وال پکې د حسیب پنجشېري مړی له وېښتانو کشوي. د دویچه وېله په وینا، د دې ویډیو کره والی په خپلواکه توګه نه و تایید شوی، خو خپرېدو یې پراخ غبرګونونه راپارولي وو.
د ملي مقاومت جبهې او یو شمېر افغان سیاسي څېرو له مړي سره دغه چلند غندلی او د دې پېښې د څېړنې غوښتنه یې کړې ده.
حسیب پنجشېري د افغانستان د پخواني جمهوري نظام پر مهال د ملي امنیت له ادارې سره هم کار کړی و او د ۲۰۲۱م کال له سیاسي بدلون وروسته د طالبانو پر ضد له ملي مقاومت جبهې سره یوځای شوی و.
.jpeg)
.jpeg)
.jpeg)
.jpeg)