د شانګلې پوهنتون له لوري ،د جون په ۱۰مه، د نشه يي توکو د ناوړه اغېزو په اړه د پوهاوي لوړولو او د یوې روغې ټولنې د ودې لپاره د «نشه يي توکي: پوهاوی، کنټرول او مخنیوی» تر سرلیک لاندې یو سیمینار جوړ شو.

په سیمینار کې د پوهنتون استادانو، محصلینو او کارکوونکو ګډون وکړ او د نشه يي توکو د استعمال له امله د رامنځته کېدونکو ټولنیزو او روغتیايي ستونزو، او د مخنیوي د اغېزمنو لارو چارو په اړه بحثونه وشول.

د شانګلې پوهنتون مرستیال رئیس پروفیسور ډاکټر ،سردار خان، ګډونوالو ته په وینا کې وویل چې تعلیمي ادارې د ځوان نسل په روزنه او د نشه يي توکو له زیانونو څخه د هغوي په ساتنه کې مهم رول لري. نوموړي د نشه يي توکو پر ضد د مبارزې لپاره د پوهاوي، کنټرول او مخنیوي پر اهمیت ټینګار وکړ.

د سیمینار ویناوالو ډاکټر فیض الرحمن او ډاکټر اکرام الله، چې د پوهنتون د حیوانياتو د علومو د انسټیټیوټ استادان دي، د نشه يي توکو د استعمال لاملونه، روغتیايي او ټولنیزې پایلې او د مخنیوي لارې چارې تشریح کړې. هغوي د عامه پوهاوي، مشورتي خدمتونو او د روږدو کسانو د بیا رغونې پروګرامونو پر اړتیا هم ټینګار وکړ.

د پوهاوي د دې پروګرام په ترڅ کې د مرستیال رئیس په مشرۍ یو پوهاوی لاریون هم ترسره شو، چې پکې استادانو، محصلینو او د پوهنتون کارکوونکو ګډون وکړ او د نشه يي توکو څخه د پاکې ټولنې لپاره یې خپل ملاتړ څرګند کړ.

د غونډې په پای کې ویناوالو او تنظیموونکو ته د هغوي د خدمتونو په درناوي ستاینلیکونه ورکړل شول، او د پوهنتون مشرتابه د یوې روغې، خوندي او له نشه يي توکو پاکې ټولنې د جوړولو لپاره د ګډو هڅو پر دوام ټینګار وکړ.