اسلام‌ اباد : د پاکستان د سړیو د ټینس ملي لوبډله به د ډیوس کپ د نړیوال ګروپ په دویم پړاو کي د تونس خلاف لوبه کوي. ټاکل شوې دغه سیالۍ د سپټمبر په ۱۸مه او ۱۹مه د تونس په موناستیر ښار کي ترسره شي.

پاکستان به د دغو سیالیو لپاره خپل غوره لوبغاړي میدان ته راوباسي، ځکه نتیجه یې د ډیوس کپ په راتلونکو پړاوونو کي د پاکستان پر پوزیشن اغېز کوي. د پاکستان ټینس چارواکي وايي، لوبډله به تر سیالیو مخکې خاص تیاری کوي.